CAMARINES NORTE – Iginiit ng isang pari mula sa Diocese of Daet na hindi konektado sa Roman Catholic Church ang grupo na nagpakilalang “Filipino Katoliko” na nakarating na rin ngayon dito sa Daet para mangalap ng donasyon.
Bagamat wala pa sa ngayong opisyal na pahayag ang Diocese of Daet, nilinaw ni Father Frederick Rafael, Chairman ng Commission on Social Communications and Mass Media sa kaniyang mensahe sa Brigada News FM Daet na dapat maging “aware” ang mga katoliko na ang grupong ito ay walang kaugnayan sa simbahan at sa Diocese.
Sa ngayon ay wala pa sa lalawigan si Bishop Rex Andrew Alarcon na dumalo sa isang pagtitipon sa Roma.
Pero nauna nang nagpalabas ng pahayag si Sorsogon Bishop Jose Allan Dialogo na ang naturang grupo na nangangaplap ng donasyon ay walang kaugnayan sa simbahan at kanilang Diocese.
Mababatid na nag- ikot na rin ang grupo sa iba’t- ibang opisina at establisyimento dito sa daet kahapon.
Nagtungo rin ito sa munisipyo at humarap pa sa regular na sesyon ng Sangguniang Bayan.
