KORONADAL CITY – PATULOY ang pagtaas ng revenue collection sa lungsod ng Koronadal.
Sa report ni City Treasurer Marloun Gumbao, noong taong 2023, kabuuang P124,561,375.06 ang nakolekta ng City Treasurer’s Office o CTO. Mas mataas ng P18,968,287.10 kung ihahambing noong taong 2022 kung saan nagtala sila ng P105,593,087.06 na koleksyon.
Maliban sa real property tax, nagtala rin ang CTO ng pagtaas sa koleksyon ng tax on business at iba pang mga buwis. Ayon kay Gumbao, asahan ang mas mataas pa na koleksyon sa susunod na mga taon. Dagdag ni City Mayor Eliordo U. Ogena na ang pagtaas ng koleksyon ay indikasyon ng pag-unlad ng ekonomiya ng lungsod.
