Gin engganyo it konseho it Kalibo ro Department of Trade and Industry DTI nga magpatigayun it libreng Skills and Livelihood Training sa mga Kalibonhon.
Ginhayag ni SB Member Ronald L Marte, nga ro DTI hay maabung mga Skills Training pero owa segun nana nakita kung may ginaubra para sa mga barangay eabi eon sa banwa it Kalibo, ngani umapela raya sa nasambit nga taeatapan.
Gindugang pa ni Marte nga ro Skills and Livelihood Training hay kinhangean sa mga nagaistar sa mga barangay para mapabaskug ro andang ikasarang ag para matustusan ro andang pang adlaw-adlaw nga pagpangabuhi it andang pamilya. // ANN DESLENE SALAZAR
