Nakapagpiyansa na ang vlogger na si Toni Fowler na kinasuhan ng cybercrime dahil sa inilabas niyang music video sa social media.
Naglagak si Fowler ng halagang P120K sa Pasay Regional Trial Court Branch 108.
Maaalalang noong Setyembre ay sinampahan ng Kapisanan ng Social Media Broadcaster ng Pilipinas Incorporated ang content creator dahil sa umano’y immoral at indecent na music video.
Nabatid na kasong paglabag sa RA 10175 o ang Cybercrime Prevention Act of 2012 ang isinampa laban kay Fowler.
