Electrician nga magawad kuntani sang NBI Clearance, arestado sang kapulisan matapos na-detect nga may kaso ini nga Qualified Theft

Nakahunong sa karsel sang Roxas Component City Police Station ang isa ka electrician matapos ginserbihan sang warrant of arrest sang mga kapulisan sa Pueblo De Panay, Brgy. Lawaan, Roxas City.

Ginkilala ang akusado kay alyas Ronron, 30-anyos kag tumandok sang Camansi, Mati City, Davao Oriental.

Sandig sa impormasyon nagikan sa Roxas Component City Police Station, magawad kuntani sang NBI Clearance ang akusado apang na-detect sa system nga may kaso ini nga Qualified theft nga ginapangatubang.

Ang warrant of arrest ang gin-isyu kag ginpermahan ni Judge Melinda Alconcel-Dayanghirang, Regional Trial Court, 14^th Judicial Region, Branch 54, Davao City, napetsahan Hulyo 24, 2020.

Ginrekomendar sang korte ang P40,000 nga piyansa para sa temporaryo nga kahilwayan sang akusado.

Sa karon, natalana ini nga iturn-over sa iya court of origin. | Judy Ann Juare

BNFM Roxas Capiz