Gipangunahan ni Police Regional Office XI Regional Director PBGen Filmore Escobal ang COVID-19 vaccination rollout kagahapong adlawa June 30, 2021 sa PRO 11 Pulis Bagani Hall.
Kapin kon kulang 400 ka personahe sa regional headquarters ang gilaumang makadawat sa unang dose sa bakuna.
Ang duha ka adlaw nga vaccination schedule sa PRO 11 Regional Headquarters mahuman karong adlawa July 1, 2021 ang kabahin sa paningkamot sa gobyerno nga makabakuna og daghang katawhan.
Sigon kang Escobal atol sa interview, anaa sa 98% sa PRO 11 personnel ang nagpadayag sa ilang kagustuhan nga magpabakuna lakip na sa mga Police Provincial Offices.
Samtang giawhag niini ang nahibiling dos porsyento sa ilang populasyon nga mosalmot sa vaccination program ilabi nang exposed kanunay ang mga pulis sa publiko sama sa mga checkpoints. BNFM-DAVAO
