Magamay lamang ang mga pasahero nga naga-alabutan sa Culasi port kun ikumpara sa nakaligad nga holiday season.
Ini ang ginpahayag ni Coast Guard Commander Edison B. Diaz sang Philippine Coast Guard Capiz sang ma-interview sang Brigada News FM Roxas City.
Suno kay Diaz, sa isa ka vessel may yara sang total 400 passengers seat apang masobra 100 lamang diri ka mga pasahero ang nagasakay.
Dugang pa sini, sang nakaligad nga Undas, ila na notice nga magamay man ang mga pasahero nga nagapauli sa Capiz.
Ginapasangkad man nila ang random inspection sa mga bagahe sang mga pasahero agud malikawan ang pagsulod sang mga iligal nga droga sa Capiz.
Nahibaluan, ang bug-os nga hubon sang PCG sa nagkalain-lain nga parte sang Pilipinas ang may yara sang ginakampanya nga “Lakbay, Biyaheng ayos 2023” nga nagatuyo nga magbantay kag nagabulig sa mga pasahero nga nagakinahanglan.
Sa karon, wala naman sang nabalhag ang PCG nga may yara sang malain nga insidente nga natabo sa mga pasahero ukon na-stranded nga mga vessels sa tunga sang lawod. | Judy Ann Juare
