NAGA CITY – Lima kaagad ang naitalang fireworks related injury ng Department of Health Bicol sa Camarines Sur at Naga City sa pagsalubong ng Pasko.
Kung saan sa panayam ng Brigada News FM Naga sa Municipal Disaster Risk Reduction and Management Office Pili, Camarines Sur, nagtamo ng sugat sa mukha ang 17 taong gulang na lalaki matapos masabugan ng boga o improvised paputok habang ang 35 taong gulang naman na ginang mula sa Bula, ang tinamaan sa kamay ng parehong pinagbabawal na paputok.
Sa Naga City naman, isang 9 taong gulang na bata ang nasugatan dahil sa sparklers, habang ang 40 taong gulang na lalaki at 36 taong gulang na ginang parehong tinamaan gamit ang fountain. Pare-pareho namang dinala ang mga biktima sa ospital, at kasalukuyang nagpapagamot.
Una nang ipina-alala ng PNP, Bureau of Fire Protection at DOH na mag-ingat sa mga paputok at huwag gagamit nang anumang ipinagbabawal na paputok katulad ng improvised paputok o boga.
