Mikabat na sa 12 ang gikatalang namatay gumikan sa Dengue sa syudad sa Tagum.
Base sa talaan sa City Epidemiology Surveillance Unit (CESU) dunay duha ang nadugang nga patay, usa ka 13 anyos ug 43 anyos nga mga babae nga maoy hinungdan nga nahimong 12 ang total deaths tungod sa maong balatian as of December 19, 2023.
Gikan sa bulan sa Enero hangtod Disyembre, anaa na sa 1,232 ka mga kaso sa dengue sa syudad samtang 1,167 ang nakarekober ug dunay 53 ka mga bag-ong kaso.
Pinakadaghan gihapong kaso sa Dengue ang tulo ka mga Barangay nga mao ang Visayan Village, Apokon ug Mankilam.
Gumikan niini, giawhag ang Tagumenyos nga batasanon ang 5S Kontra Dengue:
✅ Search and destroy mosquito breeding places.
✅ Secure self-protection.
✅ Seek early consultation.
✅ Support fogging and spraying.
✅ Sustain hydration.
Gilayon sab nga magpakonsulta sa pinakaduol nga Barangay Health Center ugaling makasinati og mga sintomas aron nga gilayong madapatan og mapabiling himsog ang kalawasan.
