Ginasueong it Regional Development Council (RDC) ro probinsya it Aklan bilang tourism cruise hub sa Western Visayas.
Ro cruise port hub hay kaeakip sa naga pangunang 10 proyekto nga gintumod it RDC para ipatuman.
Ro isla it Boracay hay may reputasyon bilang kilaeang destinasyon para sa overseas cruise passengers halin it Europe, Asia ag United States.
Bisan ro mga Cruise companies hay nagasueong sa potensyal it isla bilang major cruise center sa nasyun, bangud sa popularidad kara bilang isaea sa pinakamanami nga dagat sa kalibutan ag pinasahe nga cruise gateway para sa iba pang mga destinasyon.
Halin kat mag resume ro cruise tourism ku November, ro luxury cruise lines it mga barko it Windstar Cruises, Holland America Line ag Norwegian Cruise Line hay naghimo it limang port calls sa isla it Boracay. // ANN DESLENE SALAZAR
