Nakitaan eon eagi it mechanical failure ro ceres bus nga nahueog sa bangin sa Hamtic, Antique bago paman raya naaksidente.
Base sa pamunuan it Hamtic police, base segun sa panaysayon it mga nakasalbar, naghambae eon ro driver nga naga-drag ro preno it bus kamana man ro manubela kara.
Kung tan-awon segun ro cctv footages, pwede eon kunta raya nga ibangga it driver sa bukid.
Ginhayag man nga kat makaabot sanda sa Barangay Lindero, Hamtic, Antique, naghueam pa it tools ro driver sa anang amigo nga habal-habal driver para ayuson ro bus bangud may problema sa preno.
May pila man ro naghambae nga sa San Joaquin, Iloilo pa eang, nabatyagan eon it mga pasahero nga iba ro daeagan it bus bangud owa eagi nag start ro makina kara. // ANN DESLENE SALAZAR
