Arestado sang mga kapulisan ang ginakabig top 5 most wanted person sa Barangay Poblacion, Maayon, Capiz.
Ginkilala ang akusado kay alyas Reynaldo, yara sa legal nga pang-edaron kag residente sang nasambit nga lugar.
Nagapangatubang ini sang kaso nga frustrated homicide.
Ang warrant of arrest ang gin-isyu kag ginpermahan ni Judge Kristine B. Tiangco – Vinculado, Regional Trial Court, 6th Judicial Region, Branch 16, Roxas City nga napetsahan Hulyo 24, 2023.
Ginrekomenda sang korte ang piyansa nga P72,000 para sa temporaryo nga kahilwayan sang akusado.
Sa karon, nagapabilin ini sa kustodiya sang Maayon PNP para sa nagakaigo nga disposisyon. | Judy Ann Juare
