LEGAZPI CITY – Nasa anom na alumni kan Bicol University an nakasabay sa Top 10 kan 2023 Licensure Examination for Teachers (LET) basado sa resultang pinaluwas kan Professional Regulation Commission (PRC) kasuudma.
An mga ini gikan sa Daraga asin Tabaco City Campus kan naunambitang unibersidad sa elementary asin secondary Levels.
Sa elementary, laog si Alma Manlangit Brioso asin Reynalyn Villanueva Dominguez hale sa Daraga Campus kun sain nakua kan mga ini an third asin seventh spots.
Sa secondary, nakua man ni Jomari Escorpion Clores kan Tabaco Campus an fourth place, mantang si Antonette Cas Capis asin Ronalyn Belisario Bitago kan kaparehong kampus an nasa 10th spot kaibahan an sarong BU Daraga alumnus na si Jolo Siaron Rian.
Sa kabilogan, igwa nin 23,782 na nakapasar hale sa 50,593 na examinees para sa elementary level na may 47.01% passing rate, mantang 53,995 hale sa 95,969 examinees man an nakapasar para sa secondary level na may 56.26% passing rate.
