Nagsagawa ng kilos-protesta ang United Muslim Filipinos for Peace and Justice in Palestine sa Kartilya ng Katipunan sa Lungsod ng Maynila.
Nanawagan ang grupo sa Pilipinas na maisulong ang tigil-putukan sa pagitan ng Israel at grupong Hamas.
Kasabay nito, mariing kinondena ng samahan ang nangyaring pagsabog sa Mindanao State University (MSU) gymnasium.
Nagkakaisa ang mga ito sa pagsasabi na isa itong karumal-dumal na krimen na hindi katanggap-tanggap sa paniniwala ng relihiyong Islam.
Ang masamang gawain ito anila ay malinaw na isang krimen laban sa sangkatauhan.
