Kadungan it pag lift ng election period matapos ro BSKE 2023, ro mga kapulisan nga ginsaylo sa ibang area hay igabalik eon sa dati nanda nga police station.
Suno kay COMELEC PIO Crispin Raymund ‘Dodoy’Gerardo, ginsaylo ro pilang pulis sa rasun nga may relasyon raya sa sangka naga kandidato hasta sa 4th civil degree.
Nasayuran nga daywang dag on eang ro igabuhay sa serbisyo it mga nagdaug sa BSKE 2023, raya hay bangud sa gahum it desisyon it Korte Suprema nga pag nullify o pagdeklara bilang unconstitutional ro natabo nga postponement of elections by implications, buot hambaeon nagtapos eon ro andang termino ku December 5, 2022.
Ro masubo segun kay Mr. Gerardo, hay ro paghuyap eon kara hay halin it 2022, 2023, 2024 ag 2025, kung siin, sa 2025 hay makaangkon eonman it barangay ag SK elections.
Pero sa pagkasayud segun ni Mr. Gerardo hay nag apela it konsiderasyon ro Comelec eabi pa ag sa 2025 hay magapatigayun man it National elections nga tuman eon kabug-at ag matrabaho sa taga Comelec.
Ginhayag man ni Mr. Gerardo nga tanan haeos it nagdaug sa BSKE 2023 hay naka assume eon sa andang pwestu ag madinaeag on nga naiproklama. // ANN DESLENE SALAZAR
