Ginpahayag ni COMELEC PIO Crispin Raymund ‘Dodoy’Gerardo nga owa it eabot sa requirement it laye ro pag-file it SOCE, kinamatarung man raya it publiko nga masayran nga compliant ro andang mga kandidato ag kung ano ro ginastos.
Sa mga owa nakaabot sa deadline sa pag file it SOCE, pwede man segun nga mag late filer direkta sa Metro Manila bangud kung mapaseawan nga magsumite hay may pagaatubangon nga mga konsekwensya.
Pero ginpunto ni Mr. Gerardo nga ro pag file it SOCE hay sangka responsibilidad bangud nagpromisa ro sangka kandidato nga maga serbisyo sa pumueuyo ngani dapat eang nga maging compliant sa makarondaya nga butang.
Samtang, gindeklara ni Mr. Gerardo nga opisyal nga nagsara o nagtapos ro Election period para sa Barangay ag SK elections, nga ro buot hambaeon, tanan nga banning hay tapos eon partikular ro Gun Ban.
Ginpasaeamatan man ni Gerardo ro 17 election officers sa Aklan, PNP, AFP, DepEd ag Media sa kooperasyon ku mga raya kamana man ro pag angkon it generally peaceful nga eleksyon.
Ginhayag man ni Mr. Gerardo nga may pilang nag file it election ag disqualification protest, pero ginahueat pa nanda ro judgment it komisyon.
Sa mga SOCE nga nag overspend sa andang ginastos, ro posibleng pagaatubangon ku mga raya hay ro diskwalipikasyon o mapahalin sa serbisyo. // ANN DESLENE SALAZAR
