NAGSUGOD na og monitoring ang Department of Trade and Industry sa mga nagkadaiyang Noche Buena products sa mga dagkong tindahan sa dakbayan.
Kini ang gipaniguro ni Giovani Man-on ang Trade Industry Development Specialist sa DTI Gensan pagkahuman nga migawas ang bag-ong price guide sa nahisgotan nga mga baligya.
Segon sa nahisgotan nga pinaagi sa unang hugna sa ilang monitoring nakasunod hinuon sa price guide ang mga tindahan.
Samtang ginaawhag usab niini ang mga konsumante nga kon adunay makit-an nga mga tindahan nga wala mosunod sa nakalatid nga price guide mahimo gihapon kining i-report sa ilang buhatan aron nga mahatagan og igong aksyon. I Danny Casi
