SUBLING pagpatuman og reshuffling ang labaw sa General Santos City Police Office (GSCPO) sa mga hepe sa presinto ug staff sa headquarters.
Nagbahad og subling pagpatuman og reshuffling si Police Col. Nicomedes Olaivar Jr., human niini nakuha ang pagka-full pledge nga labaw sa General Santos City Police Office (GSCPO). Matud ni Olaivar Jr., taktakon niya sa pwesto ang sakop nga mapamatud-ang nangabusar sa katungdanan.
Giangkon sa opisyal nga wala siyay ilhon sa iyang giplano nga subling pag-reshuffle sa mga sakop luyo sa hangyo sa ubang mga indibidwal nga ipabilin sa pwesto ang usa ka hepe. Milingkod pwesto si Olaivar atong Agosto 11, 2023 hulip sa kaniadto labaw sa GSCPO nga si Col. Jomar Alexis Yap.
Human naresolba sa pagpangulo ni Olaivar sa pagpanulis sa gadget hub, gihangyo sa Sangguniang Panlungsod (SP) ug sa mayor sa opisyal sa PNP nga himoong full-pledge head sa GSCPO ang maong opisyal. I Richel Gubalani
