SAMARON ang mister human gidunggab sa misis tunga sa away human gipugngan sa misis ang mister nga molakaw sa ilang balay.
Naa sa talandugon nga kahimtang sa ospital ang padre de pamilya nga si Nathaniel human giluba sa iyang misis nga si alyas Rachelle tunga sa ilang away alas-10:10 sa gabii sa Barangay Lagao, GenSan. Sa imbestigasyon sa Lagao Police Station, nag-away ang magtiayon human wala gitugotan sa misis ang mister nga mogawas sa ilang balay.
Gi-flat sa misis ang traysikad sa mister nga nakaparada gawas sa ilang balay, didto na nasuko si Alyas Nathaniel ug naliaban ang misis. Napunitan sa misis ang kutsilyo og gidunggab ang mister rason sa pagka-angkon niini og samad sa tuo nga bahin sa dughan.
Nagdumili na sa paghatag og pamahayag sulod sa selda si Alyas Rachelle apan wala niini gihimakak ang insidente. Gihulat karon sa kapulisan ang desisyon sa mister kung idayon ang pagpasaka og kaso sa iyang misis.
Sa bahin ni Roselyn, silingan sa magtiayon nakita nilang nagkadugo ang lalaki ug gitabangan nila nga madala sa ospital si Alyas Nathaniel. Ang magtiayon ang dunay duha ka anak nga babaye, usa ka 4 ug 3-anyos. I Richel Gubalani