LEGAZPI CITY – Nagkondusir an Municipal Disaster Risk Reduction and Management Office (MDRRMO) kan Camalig nin pag-inspeksyon sa mga lahar-prone areas kan banwaan.
Partikularmente ining kinondusir sa Brgy. Salugan, Sua, Quirangay, Anoling asin Tumpa nganing masiyerto an kaligtasan kan mga residenteng nakaistar sa mga lugar na ini.
Susog ini sa saindang pagresponder sa padagos na pagkakalangkaw kan bulkang Mayon sa alert level 3 status kun sain, sinabi naman kan PHIVOLCS na dai pa ninda ibababa ini huli sa peligro asin sa posibilidad ki mga eruption.
Mientrastanto, kinumpirmar kan MDRRMO na wara man sindang nairecord na lahar events sa ngunyan.
