Nagtao it mensahe para sa mga unga nga Aklanon si Governor Jose Enrique “Joen” Miraflores pinaagi it anang Governor’s State of the Children’s Report kainang agahun.
Gin plastar it Gobernador ro anang mga naubra ag ro anang mga nakaplanong programa para sa kamaeayran it mga unga nga Aklanon kaeakip ro mga National Agencies ag Civil Society Organizations.
Nag umpisa ro programa kaina it alas-9 it agahun kung siin, gintambungan raya it mga miyembro it Local Council for the Protection of Children it tanan nga banwa sa Aklan kaeakip ro mga partner agencies ag mga sektor it pamatan on. // ANN DESLENE SALAZAR
