LEGAZPI CITY – Sa 18 mga lokal na gobyerno sa probinsya kan Albay, 11 digdi an nabugtakan na nin Balay Silangan.
Ini an kinumpirmar ni Philippine Drug Enforcement Agency (PDEA) Albay head Noe Briguel sa Brigada News FM Legazpi. Ini su boot an mga lokal na gobyerno kan Polangui, Ligao City, Jovellar, Libon, Camalig, Legazpi City, Manito, Malilipot, Malinao, Tabaco City asin Tiwi.
Mientras, dai man masabi ni Briguel kun pira na an drug surrenderee sa probinsya, kinumpirmar niya man na nasa poko mas o menos 4,000 na sana an saindang pigtatabangan sa ngunyan.
Dugang pa niya, kadaklan man kan saindang mga natabangan na ma-rehab asin ma-reform, talagang nagbagong-buhay.
