KORONADAL CITY- SA layuning mapalakas ang produksyon ng sibuyas sa buong bansa, inilunsad ng Department of Agriculture o DA ang Onion Expansion Program sa bayan ng Tupi, South Cotabato.
Ang launching program ay pinangunahan ni Assistant Secretary James Layug kasama ang mga opisyal ng DA 12 at iba pang attached agencies.
Layun nito na masolusyunan ang shortage sa supply ng sibuyas at maging estable ang presyo nito. Inihayag ni Leonel Limbawan, representative ng High Value Crop Development Program (HVCDP) ng central office na ang bayan ng Tupi ang mangunguna sa onion production sa Mindanao.
