Padayun nga nagataas ro numero it mga turista nga nagabisita makarun sa isla it Boracay.
Base sa pamunuan it Malay Tourism Office (MTO), nakalista sanda it kapin sa 20,058 arrivals pinaagi sa Caticlan bilang port of entry umpisa it June 1 to June 24.
Ro nasambit nga mga turista hay naghalin sa National Capital Region (NCR) Plus.
Ku nagtaliwan nga buean hay naglista eamang ro isla it kapin sa 1,737 guests.
Ginaeauman it MTO nga mas madugangan pa ro mga magabakasyun sa isla it Boracay kung siin, owa it bag-ong protocol ro ginapatuman sa pagsueod kundi magpakita eang it negative RT-PCR test, 72 oras bago ro travel ag ro confirmed booking sa mga hotel nga accredited it Department of Tourism (DOT), identification card, QR code ag registration sa S-PaSS. / ANN DESLENE SALAZAR
