Nadiskubre ng mga otoridad na wanted pala sa China ang anim na Chinese na kabilang sa naaresto sa ilegal na POGO hub sa Pasay City.
Ayon kay Winston Casio, tagapagsalita ng PAOCC, ang nasabing mga dayuhan ay may warrant of arrest sa iba’t ibang kaso kabilang ang fraud, ilegal na droga at iba pa.
Gayunpaman, hindi muna sila matu-turn over sa embahada ng China dahil sa gumugulong ang imbestigasyon sa kaso.
Bukod dito, matatandaang isang Taiwanese National rin ang nahuli sa POGO hub na napag-alamang wanted din sa kanilang bansa dahil sa kasong fraud.
