Nakatakda sanang magsagawa ng joint patrol ang Chinese police kasama ang Thailand sa mga tourist spots sa Bangkok.
Ayon sa Tourism officials ng nasabing bansa, layon nitong bigyan ng kumpiyansa ang mga turista lalo na ang mga Chinese Nationals na maglibot-libot sa mga tourist attractions kung magsasanib pwersa ang Chinese at Thai police sa pagbabantay.
Samantala, inulan ng batikos ang nasabing pagpapatrolya kaya’t agad na binawi ng Thailand ang kanilang ideya.
Sinabi ng kanilang Tourism Minister na si Sudawan Wangsuphakijkosol, marami pang alternatibong paraan para makahakot ng turista ang Thailand.
Sapat aniya ang pwersa ng Thai police force para magbigay-kumpiyansa sa mga turista.
