Napasakaan na sang kaso nga paglapas sa RA 9165 ukon Comprehensive Dangerous Drugs Act of 2002 ang isa ka mekaniko nga nadakpan sa drug buy-bust operation sa Brgy. Switch, Tapaz, Capiz.
Matandaan, ginkilala ang suspetsado kay alyas “Tubol”, 26-anyos kag residente sang Brgy. Daan Banwa.
Narekober sa iya paghinakop kag kontrol ang tatlo ka sachets sang ginasuspetsahan shabu lakip na ang nabakal sang police poseur buyer kag P1,500 nga buy bust money.
Ginabanta nagabug-at sang 3 gramos ang nakumpiskar nga iligal nga droga kag nagabalor sang P20,400.
Sandig sa impormasyon nagikan sa Tapaz Municipal Police Station, ang nasambit nga suspetsado ang nag-negatibo sa drug test apang ang mga nakumpiskar sa iya nga iligal nga droga ang positibo.
Sa karon, nagapabilin ini sa kustodiya sang kapulisan para sa nagakaigo nga disposisyon. | Judy Ann Juare
