Inatasan na ng lokal na pamahalaan ng lungsod ng Quezon ang Quezon City Police District na hanapin at panagutin ang iba pang sangkot sa pagkamatay ng hazing victim na Ahldryn Bravante
Sa pahayag na inilabas ng LGU, handa silang makipagtulungan sa mga awtoridad para managot ang mga may sala sa insidente
Mariin din daw nilang kinondena ang hazing incident matapos mangyari ang initiation rites sa isang abandonadong gusali sa Barangay Sto. Domingo sa Quezon City.
Ilang suspects na ang nasa kostodiya ng Quezon City Police District – Criminal Investigation and Detection Unit at nasampahan ng kaso
Iginiit ng LGU na hindi dapat maging batayan ng katapatan at kapatiran ang pananakit sa kapwa na maaaring magdulot ng permanenteng pinsala o humantong sa kamatayan.
Nagpaabot din ang lokal na pamahlaan ng pakikiramay sa pamilya at mga kaibigan ng estudyante.
