Ginpasiguro ni Iloilo Governor Arthur Defensor Jr., nga nagapabilin nga self-sufficient ro suplay it baboy sa probinsya it Iloilo.
Raya hay sa tunga it pagkabaeaka it publiko nga basi magkueang ro suplay it baboy para sa Paskwa bangud sa African Swine Fever (ASF).
Suno sa gobernador, gintan-aw eon nanda ro presenting stocks sa merkado ag nagkutana eonman sanda halin sa nagkasari-sari nga banwa angot sa andang mga ginaboe-an.
Ginpahayag pa ni Governor Defensor nga supisyente ro andang suplay bangud nagadaea man kanda it baboy ro pilang probinsya kaparehu it Aklan, Antique, Guimaras, Negros Occidental, Negros Oriental ag Oriental Mindoro. // ANN DESLENE SALAZAR
