Arestado ang isa ka mangunguma matapos positibo nga nakuhaan sang armas-luthang sa implementasyon sang Search warrant sang mga kapulisan sa banwa sang Panitan takna alas 4:05 kaina sang kaaganhon, Dominggo, Oktubre 15.
Ginkilala ang arestado kay alyas Dodoy, 44-anyos, residente sang nasambit nga lugar.
Sandig sa Panitan Municipal Police Station, nakuha sa kontrol kag paghinakop ni alyas Dodoy ang 1 unit homemade pistolized shotgun, 3 ka live ammunitions kag apat ka basiyo sang caliber. 38 nga armas-luthang.
Magapangatubang ini sang kaso nga paglapas sa RA 10591 ukon Comprehensive Firearms and Ammunition Regulation Act.
Sa karon, nagapabilin sa kustodiya sang Panitan PNP ang suspetsado para sa nagakaigo nga disposisyon. | Judy Ann Juare
