Naglabas ng subpoena ang National Bureau of Investigation (NBI) laban kay dating Land Transportation Franchising and Regulatory Board executive assistant Jeff Tumbado.
Kasunod ito ng pagbawi ni Tumbado sa inilantad niyang korapsyon umano sa ilalim ng pamumuno ni Chairman Teofilo Guadiz III sa LTRFB.
Kamakailan lang isiniwalat ni Tumbado na naghahatid si Guadiz ng corruption money na nakolekta mula sa lagayan at ibinibigay nito ang pera kay Transportation Sec. Jaime Bautista at sa Malacanang.
Maliban kay Bautista, dalawa pa umanong Kongresista ang nakakatanggap ng P5 milyon mula sa mga transakyon sa LTRFB.
Batay sa kanyang affidavit of recantation nitong Oktubre 11, sinabi ni Tumbado na hinihikayat lamang siya ng ilang indibidwal na magsalita.
