KORONADAL CITY- NAGSAGAWA ng mass blood sampling ang Provincial Veterinary Office o PVet South Cotabato sa mga ‘sentinel pigs’ sa bayan ng Surallah.
Layon nito na masuri kung mayroon pang presensya ng African Swine Fever (ASF) virus sa naturang bayan.
Ang testing ay isinagawa pagkatapos ng 40 days sentineling period na isa mga requirements sa upgrading ng zoning status ng Surallah sa Yellow Zone mula sa Pink Zone. Ang mga barangay ng Naci, Lamian, Colongulo, at Barangay Duengas ay nakatanggap ng sentinel pigs mula sa Department of Agriculture o DA region 12 – Livestock Division.
Oras na magnegatibo, ang munisipyo ay maaari nang mag-apply para sa repopulation.
