Gin pasensyahan it biktima ru hilong nga suspek sa pag-eabo matapos magwala sa sangka panimeay sa Purok 4 Brgy. Bulwang, Numancia, Aklan kahapon.
Sa report, nakilaea ru suspek nga si Albert Igura, 37 anyos ag residente it nasambit nga lugar.
Samtang ru biktima hay nakilaeang si Rowel Cabinoy, 22 anyos.
Sa imbistigasyon, samtang gina hakwat it biktima ru anang unga nga sangka 3 dag-on, gulping eomapit ru suspek sa biktima.
Gin eabo ru biktima it suspek nga uwat kadahilanan apang maswerteng naka iwas rason nga uwa natama-i.
Gin respondehan it mga katapo’t Barangay Tanod ru insidente apang pati rum ga raya hay anang gin hanaan nga eab-on.
Bnagud sa indi maawat, nagpangayo it police assistance ru mga residente sa lugar rason nga gin aresto it mgakatapo’t Numancia MPS ru suspek.
Gin daea ru suspek sa Numancia MPS para sa imbistigasyoon ag ku ulihi hay nag decision ru biktima nga indi eon magpasaka it kaso kontra sa suspek.//MARIVIC Y. ILIN
