LEGAZPI CITY – Kamawotan kan Regional Peace in Order Council (RPOC) na makamtan kan lambang Bicolano an everlastic peace.
Ini an sinabi ni RPOC Chairman asin Sorsogon Gov. Boboy Hamor sa isinagibong 3rd Quarter Full Council Meeting.
Inihalimbawa kaini an Sorsogon na kadakol na myembro nin NPA na nag-surrender sa mga otoridad.
Nagtatao man sinda nin cash assistance sa mga ini nin P100K, kasabay an pagtatao nin livelihood program asin iba pa.
Uminabot na su boot sa 111 an nag-surrender puon kan siya magtukaw bilang Chairman kan RPOC.
Kadaklan sa mga nagsurrender, igwa nin alangkaw na posisyon asin myembro kan militia na maabot man sa 74.
Pig-enganyar man kaini an kada probinsya Bicol na dapat dakol an nagsurrender na mga miyembro kan NPA.
