LEGAZPI CITY – Makikipagtabangan an Albay Local Development and Investment Promotions Office (LEDIPO) sa manlaen-laen na mga lokal na gobyerno sa probinsya para sa planong central business database.
Segun kay Officer Jaymee Florence Ribaya, trabaho kan saindang opisina na mag-coordinate, magpreparar asin magsagibo nin mga oportunidad na may kinaaraman sa negosyo.
Alagad, nakadepende man giraray ini sa kung gurano kadakula asin kagustuhan kan mga LGU na makipagtabangan, orog na ta ang LEDIPO wara nin access sa portal kan DILG.
Sinabi pa ni Ribaya na an problema, iyo an kawaran nin access sa portal kun sain piglalaog kan mga LGU an saindang datos, kaya sinabi kan opisyal na dapat may sadiri man sindang kapot na database.
