LEGAZPI CITY – Kadakol na mga tawo gikan sa manlain-laing mga lugar an buminisita sa banwaan kan Sto. Domingo, Albay kasuhapon nganing makiselebrar sa town fiesta.
Antes pa man an mismong aldaw kan kapyestahan, disperas pa sana matawo na asin rinuso na an civic military parade katakod kan selebrasyon.
Alagad, ginibo sanang simple an selebrasyon dawa pa rinuso ini durante kan abnormalidad kan Bulkan Mayon asin sa election ban.
Segun kay Mayor Jun Aguas, dai man sinda guminastos nin dakulang pondo nganing mas makatipon ki budget pantagama sa anuman na klase nin kalamidad.
