KORONADAL CITY – HANDA nang tumanggap ng mga qualified residents ang Anawim Koronadal Foundation Inc- Home for the Elderly, isang pasilidad para sa mga matatandang inabandona na ng kanilang pamilya.
Kamakailan lang, binigyan na ng License to Operate ng Department of Social Welfare and Development o DSWD Region 12 ang naturang pasilidad matapos na nakumpleto Administrative, Technical at Financial requirements ng departamento.
Ang Anawim Koronadal Foundation Inc, affiliate ng Anawim Lay Missions Foundation ay magbibigay ng disenteng kanlungan at mag-aaruga sa mga indigent na matatanda na pinabayaan na.
Ang license with registration ay tinanggap ni retired city social welfare officer Mary Martha Gabucan mula kay DSWD 12 regional director Loreto Cabaya Jr.
Ang Anawim Home for the Elderly ay makikita sa Barangay Saravia, Koronadal City.
