Pila ka livelihood financial support halin sa Department of Labor and Employment (DOLE) 6, ro ginpanagtag sa mga mangunguma ag mangingisda sa Western Visayas.
Base sa DOLE 6, ro livelihood projects hay magatao it alternatibong kita sa tiempo it lean months ag panahon it kalamidad, eabi pa ag ro nagapangunang ginaboe-an it pangabuhian sa rehiyon hay ro industriya it agrikultura ag pagpangisda.
Suno kay DOLE 6 regional director lawyer Sixto T. Rodriguez, Jr., ro bulig pinansyal hay siguradong makadugang sa tagsa nanda ka industriya ag para mag abo ro andang resources. // ANN DESLENE SALAZAR
