HINDI na umabot sa ospital ang dalawang sakay ng bumagsak na small-driven plane o eroplano habang kritikal naman ang tatlong iba na laman ng isang kotse na malapit sa pinagbagsakan nito matapos ang isang airshow sa Central Hungary.
Namataan na habang lumilipad ang eroplano, hindi na normal ang paggalaw nito at tuluyan na nga itong sumiklab na naging mitsa ng pagkakasawi ng piloto nito, 67 anyos at isang pasahero, 37 anyos.
Nadamay rito ang tatlong sibilyan na nagtamo ng matinding lapnos at kaagad namang isinugod sa ospital.
Ikinalungkot naman ito ni András Cser-Palkovics, ang alkalde ng kanilang munisipalidad na sinabing nauwi sa trahedya ang mahal na araw ng kaniyang mga kababayan.
Agad namang itinigil ang nasabing airshow matapos ang naturang akdsidente. ### Johnoah Mae A. Zepeda, Intern
