LEGAZPI CITY – Dipisil su boot na magtaram na wara pang nag-aabot.
Ini an sinabi ni Philip Trinidad, dating bise-presidente kan organisasyon kan mga paratinda nin bagas sa merkado-publiko kan syudad sa Brigada News FM Legazpi.
Segun kay Trinidad, lugod magkatotoo an pigsasabing may ayudang itatao an gobyerno sa mga paratinda nin bagas.
Kun igwa man su boot na mag-abot, dakulaon an pasasalamat ninda sa gobyerno huli ta makakatabang ini para sa mga paratinda na dae malugi sa ibong kan ipinapautob na price ceiling.
Sa ngunyan, dae sinda makakautob kan price ceiling hasta sa wara pang nag-aabot na delivery hale sa traders asin kinakaipohan su boot na pauboson an saindang natatadang stock na bagas.
