Giawhag ang publiko nga mureport sa kapulisan ugaling dunay masayran nga nakasupak sa gikatakdang price ceiling sa bugas.
Kini ang mandato ni Pangulong Ferdinand “Bongbong” Marcos, Jr., human epektibo karong adlawa, Setyembre 5 ang Executive Order No. (EO) 39, nga magtakda sa price ceiling sa regular ug well-milled rice sa tibuok nasud.
Subay sa EO 39, mandato nga presyo sa regular milled rice nga anaa sa P41 matag kilo samtang P45 usab matag kilo sa well-milled rice.
Kahinumdoman nga Agosto 31 sa dihang gi-aprubahan ni PBBM rekomendasyon sa DA ug DTI nga magtakda ug price ceiling sa bugas taliwala sa pagsutoy ug saka sa presyo niini diha sa mga merkado.
Una nasab nga gimando sa pangulo ang pag-monitor sa mga presyo sa bugas pinaagi sa pagbisita sa mga wet markets, supermarkets, warehouses ug storage areas aron malikayan ang hoarding ug ubang ilegal nga aktibidad.
