Gindeklara nga persona non grata sa probinsya sang Capiz ang Drag Queen nga si Amadeus Fernando Pagente ukon mas kilala bilang Pura Luka Vega.
Ini matapos nga nagpasar sang resolution ang Sangguniang Panlalawigan.
Sa interview sang Brigada News FM Roxas City kay Board Member Cecelio Fecundo, ang author sang amo nga resolusyon, iya ginpahayag nga isa ka dako nga insulto kag wala sang respeto sa mga kristyano ilabi na sa katoliko ang ginhimo ni Pagente bangud sa pagrampa sini kag paggamit sang kanta nga “Ama Namin” samtang gin-ilog ang imahe ni Hesus.
Dugang pa ni Fecundo, antes niya ginduso ang iya ginhimo nga resolusyon nagpangayo ini sang mga suhestiyon sa kaparian kag pila ka mga opisyales kun nagakadapat bala nga ipaidalom sa persona non grata ang nasambit nga drag artist.
Nahibaluan nga madamo na sang probinsya kag syudad, ang nagdeklara sang Persona Non Grata kay Pagente ini amo ang General Santos City, Floridablanca, Pampanga, Laguna, Manila, Bukidnon, Toboso, Negros Occidental, Nueva Ecija, Cebu City, Cagayan de Oro, Occidental Mindoro, Dinagat Islands, Lucena, Mandaue, Bohol kag Marikina City. | Judy Ann Juare
