LEGAZPI CITY – Pigklaro kan Libon Municipal Police Station na dai kasabay an Brgy. San Jose sa mga lugar na isinairarom sa red category o areas of concern ngunyan na Barangay asin Sangguniang Kabataan Election (BSKE) 2023.
Sa intrevista kan Brigada News FM Legazpi kay PLt. Armando Rebale, an imbestigador kan hepatura, sinabi niyang trangkilo asin matoninong an nasambit na barangay pag nagkakaigwa nin eleksyon.
Segun pa saiya, an panggagadan sa barangay kapitan kan Lunes an pinakaprimerong insidenteng may kinaraman sa papaabot na eleksyon.
Mientrastanto, an walong mga barangay na nasa red category iyo an: Buga, Bariw, Molosbolos, Alongong, Tambo, Logpo, Kagkos asin Macabugos.
