LEGAZPI CITY – Naglibot si Albay Police Provincial Office (APPO) Provincial Director PCol. Fernando Cunanan, Jr. sa manlaen laen na mga COMELEC offices sa probinsya nganing reparuhon asin hilingon an sitasyon sa primerong aldaw kan pagfile nin mga Certificate of Candidacy (COC) para sa Barangay asin Sangguniang Kabataan Election (BSKE) 2023.
Pigsyerto kan opisyal an katrangkilohan sa mga lugar nganing malikayan an suro-suan o kariribokan sa COC filing.
Kinaolay man ni Cunanan an mga pamayo kan lambang opisina nganing aramon an kamugtakan kan mga makandidato sa kada munisipyo asin syudad.
Pig-enganyar man an mga makandidato na tulos makipagtabangan sa kapulisan en kaso may makahampang sindang problema na may kinaraman sa seguridad asin pace orden.
