Naniniwala si Senate President Juan Miguel “Migz” Zubiri na magkakaroon ng direktang benepisyo sa mamamayang Pilipino ang nilagdaang panukalang batas kahapon ni Pangulong Bongbong Marcos.
Ayon sa senador, malaki ang maidudulot na kaginhawaan at kaunlaran ng pagsasabatas ng RA 11958 o “An Act Rationalizing the Disability Pension of Veterans, RA 11960 o “OTOP Philippines Act”, RA 11961 o “”An Act Strengthening the Conservation and Protection of Philippine Cultural Heritage”, at RA 11959 o “Regional Specialty Centers Act”.
Kaugnay nito, ipinaabot ni Zubiri ang pasasalamat niya sa Pangulo at iba pang kasamahan niyang senador sa pagbuo ng mga batas na makatutulong sa bawat pangangailangan ng iba’t ibang mamamayan.
Dagdag pa niya, makaaasa ang taumbayan na magpapasa pa sila ng iba pang batas na makatutulong sa pamumuhay ng bawat isa.
