Dakop sa akto sang mga otoridad ang tatlo ka persona nga nagapatigayon sang iligal nga pagpangisda sa kalalawran nga sakop sang Panay.
Ginkilala ang mga nagkaladakpan nga sanday Armando Barrios, 36-anyos, boat captain; John Romero Aramel, 44-anyos kag Jonel Guzman, 31-anyos, lunsay mga residente sang Brgy. Bulwangan, Carles, Iloilo.
Narekober sa posisyon sang mga nagkaladakpan ang 1unit pump boat, 2 units sang motor engine, fishing net with complete accessories kag mas o menus 5 kilos sang nagkalain-lain nga sahi sang isda.
Magapabayad ang mga ini sang nagakaigo nga penalidad matapos naglapas sa Municipal Ordinance No. 03-02 series of 2003. Sa karon, nagapabilin ang mga ini sa kustodiya sang MENRO-Panay lakip ang mga nakumpiskar nga kagamitan para sa nagakaigo nga disposisyon. | Judy Ann Juare
