LEGAZPI CITY – Pigkumpirmar kan Department of Health (DOH) Bicol na diit na sana an mga available na bakuna kontra COVID-19 sa rehiyon.
Sa intrevista kan Brigada News FM Legazpi kay DOH Bicol National Immunization Program Regional Coordinator Dra. Desiree Bricenio, pigsabi kaini na Sinuvac asin COVID-19 bivalent vaccines na sana an mga abilableng bakuna ngunyan sa manlain-lain na health centers.
Segun saiya, dapat nang maubos na itudok an mga nagkataradang mga bivalent vaccines ngunyan na bulan kan Agosto, magin an Sinuvac nin huli ta ma-expire na ini sa maabot na Setyembre.
Pag nag-expire na suboot an mga ini, wara nang mga bakuna na magigin abilable pa.
Kaya sa ngunyan, nagpapadagos paman giraray an pagbabakuna ninda sa mga dai pa nababakunahan.
Padagos man an pag-enganyar kan ahensya na magpabakuna nan in mga booster shots nganing malikayan an malalang mga sintomas kan nasambit na helang.
