Totally burned ang isa ka puluy-an sa Sitio Nahalong, Barangay San Jose, Jamindan, Capiz matapos gintupok sang kalayo takna alas 7:30 kagab-i sang Dominggo, Agosto 20.
Ginkilala ang tag-iya sang balay nga sanday Joselito Legazpi, 62-anyos kag Serina Legazpi, 63-anyos, residente sang nasambit nga barangay.
Sa interview sang Brigada News FM Roxas City kay Fire Officer 2 Lexter Dela Torre, imbestigador sang Jamindan BFP, ginpahayag sini nga sa linya sang kuryente nag-umpisa ang sunog.
Nahibaluan nga nag-black out sa lugar kag sang nagbalik ang kuryente naglupok ang kontador nga gina-angutan sang duplex nanday Legaspi.
Ginabanta nga naglab-ot sa P189,000 ang nangin kahalitan sang sunog sa balay nga human sa mix concrete- light materials. Maswerte naman nga wala sang may napilasan sa nasambit nga insidente. | Judy Ann Juare
