Mukabat sa P1.3 Million kantidad sa gituohang shabu ang nakumpiska sa hiniusang puwersa sa PDEA Davao del Norte, PDEA Davao de Oro, Tagum City Police Station, Davao del Norte Police Provincial Office ug Provincial Drug Enforcement Unit gikan sa mga indibidwal atol sa gikasang buy-bust operation sa Trade Center, Magugpo Poblacion, Tagum City kagahapon sa hapon.
Malampuson nga nadakpan sila Alyas “Madam Marimar” ug Alyas “Sergio”, hamtong ang mga pangedaron ug puros residente sa Camella Homes, Tagum City.
Nakuha gikan sa posisyon sa mga dinakpan ang gibana-banaan nga mutimbang sa 200 gramos nga gituohang shabu nga mukantidad sa P1,360,000, marked money ug usa ka Nissan Van nga gigamit sa ilang transaksiyon.
Tingkagol na karon sa bilangguan ang mga nashisgutan og nagpaabot na lamang sa kasong ilang giatubang.
