Nilinaw ng Apayao Provincial Disaster Risk Reduction and Management Office (PDRRMO) na tanging ang crash site ng nawawalang Cessna plane lang ang kumpirmado.
Mababatid kahapon, sinabi ni PDRRM Officer Jeoffrey Borromeo na ang dalawang sakay ng eroplano ay patay na.
Sa isang social media post ng Apayao PDRRMO binawi ang statement ni Borromeo at sinabing ‘subject for verification’ lahat ng impormasyon maliban sa lokasyon ng nawawalang plane.
Kasalukuyan namang itinigil ang operasyon ng search and rescue team dahil hindi maganda ang lagay ng panahon.
